ئەوەی داروین هەرگیز نەیدەزانی

زەوی پڕە لە جۆرەها ئاژەڵی سەرسوڕهێنەر، لەوانە ٩ هەزار جۆری باڵندە و ٢٨ هەزار جۆری ماسی و زیاتر لە ٣٥٠ هەزار جۆری سوسک. چی ئەم تەقینەوەیەی بوونەوەرە زیندووەکان ڕوون دەکاتەوە- تا ئێستا یەک ملیۆن و ٤٠٠ هەزار جۆری جیاواز دۆزراونەتەوە، ڕەنگە ٥٠ ملیۆن جۆری دیکەشیان ماوە؟ سەرچاوەی فۆرمەکانی بێکۆتایی ژیان نهێنیەکی قووڵ بوو تا چارڵز داروین بیرۆکەی شۆڕشگێڕانەی خۆی لە هەڵبژاردنی سروشتی هێنایە ئاراوە. بەڵام تێگەیشتنە ڕادیکاڵەکانی داروین چەندە پرسیاریان وروژاند، ئەوەندەش وەڵامیان دایەوە. لە ڕاستیدا چی پەرەسەندن دەباتە پێشەوە و جۆرێک دەکاتە جۆرێکی تر؟ تا چەند ئاژەڵە جیاوازەکان پشت بە هەمان ئامرازی بۆماوەیی دەبەستن؟ وە چۆن پەرەمان سەند؟