چیرۆکی کریسمس

سەدان ساڵ لەمەوبەر لە لاپلاند، کوڕێکی بچووک بە ناوی نیکۆلاس لە ڕووداوێکدا خێزانەکەی لەدەست دەدات. خەڵکی گوندەکە بڕیار دەدەن پێکەوە چاودێری کوڕە هەتیوەکە بکەن. ساڵانە جارێک - لە جەژنی کریسمسدا - نیکۆلاس دەچێتە ماڵێکی نوێ. بۆ نیشاندانی سوپاسگوزاری خۆی، نیکۆلاس بڕیار دەدات یاری بۆ منداڵانی خێزانەکان دروست بکات وەک دیاری ماڵئاوایی. بە تێپەڕبوونی ساڵان، خێزانە بەخێوکەرەکانی پێشووی نیکۆلاس زۆر دەبن و زۆری نەخایاند نزیکەی هەموو ماڵێک لە بەیانی کریسمسدا دیاری لەبەردەم دەرگای ماڵەکەیدایە. لە تەمەنی سێزدە ساڵیدا نیکۆلاس دەنێردرێت بۆ ئەوەی لەگەڵ ئیساکی، دارتاشێکی پیری خراپەکاردا بژی و کاربکات، کە نیکۆلاس قەدەغە دەکات بەردەوام بێت لە دروستکردنی دیاری بۆ جەژنی کریسمس. بەڵام وردە وردە نیکۆلاس متمانەی ئیساکی بەدەست دەهێنێت. پێکەوە دەست دەکەن بە چاودێریکردنی ئەو نەریتە کریسمسەی کە نیکۆلاس دەستی پێکردووە. کاتێک ئیساکی بەساڵاچوو دەبێت نیکۆلاس بەجێبهێڵێت و دوور بکەوێتەوە، جارێکی دیکە نەریتی دیارییەکانی جەژنی کریسمس دەکەوێتە مەترسییەوە. سوپاس بۆ خوا نیکۆلاس چارەسەرێک دەهێنێتە ئاراوە کە هەموو جەژنی کریسمسێک خۆشی بۆ منداڵان دەهێنێت، تەنانەت تا ئەمڕۆش بەردەوامە.